نعمل من بدنك رديا... وانخبيك
نصّ للمبدعة: هيفاء
نعمل من بدنك ردايا
نتلحف بيه ونتفرش عليه،
نعمل من بدنك وشامي من ساقي لحزامي،
نعمل من بدنك ربي نسجدلك ونركعلك وتشوف
الي فيّ مخبي،
نعمل من بدنك كلمات إو بلساني نصور
عليه حكايات،
نعمل من بدنك لبستي تتموج عْليّ وتتحرك
بحركتي،
نعمل من بدنك سترتي نتغسل بيها وحد
ما يرى زلتي
نعمل من بدنك كفني يفنى بدني وهو لاففني
كحل النوم عيني وحسيت بحضنك مدفيني
وخدي مايل على اليد، وشوشت الشفه للشفه
و قالتلها من عسلك زيد
وداخ اللسان بحلاوتك وسرح على بدنك
لبعيد،
ما بين الحَلمه والحَلمه صورت حِلمه
وشعلت نارنا من غير وقيد،
ضاع النفس بيني وبينك والآه من الفرحه
مش تنهيد
نخبيك في حلمه وانت تلعب بحلمه
نخبيك في الجواجي وعلى بدنك نلاجي
نخبيك في عينيا وانت غاطس بين سَقيّ
نخبيك في قلبي.. ولساني في فمك مخبي.
